ഇനി മലയാളം
എടീ
ക്ക്ജ്ജ് jjjjkkkk
Wednesday, September 1, 2010
Thursday, August 27, 2009
ശ്രീ. ചിറയിന്കീഴ് അന്സാര് നിര്യാതനായി
അഞ്ച് പ്രാവശ്യത്തോളം അബുദാബി മലയാളി സമാജത്തിന്റെ പ്രസിഡന്റായിരുന്ന ശ്രീ ചിറയിന്കീഴ് അന്സാര് (58)നിര്യാതനായി.യു.എ.ഇ. യിലെ ആദ്യ കാല പ്രവാസി മലയാളിയും പ്രമുഖ സാംസ്ക്കാരിക പ്രവര്ത്തകനും ആയിരുന്ന ഇദ്ദേഹം അബുദാബിയിലെ ഷെയ്ഖ് ഖലീഫ ആശുപത്രിയില് ചികിത്സയിലായിരുന്നു. ഇന്ന് രാവിലെ 8 മണിക്കായിരുന്നു അന്ത്യം. റെജീനയാണ് ഭാര്യ. രണ്ട് മക്കളുണ്ട്. ലുലു, അനു.
ഇന്ന് വൈകുന്നേരം 3.30 ന് ഖലീഫ ആശുപത്രിയില് എംബാമിംഗ് നടക്കും. തുടര്ന്ന് മയ്യിത്ത് നമസ്ക്കാരവും ഉണ്ടാകും. രാത്രി വിമാനത്തില് മ്യതദേഹം തിരുവനന്തപുരത്തേക്ക് കൊണ്ട് പോകും. നാളെ രാവിലെ ചിറയിന് കീഴ് കുടുംബ വീടിനടുത്തുള്ള പള്ളിയില് ഖബറടക്കം നടക്കും.
പരേതന് അബുദാബി മലയാളി സമാജത്തിന്റെ അദാരാജ്ഞലികള് . ആ ആത്മാവിന്റെ നിത്യശാന്തിയ്ക്കായി പ്രാര്ത്ഥിച്ചുകൊള്ളുന്നു.
Sunday, August 23, 2009
പ്രതിഭകള് കാലത്തിന്റെ ശബ്ദം - പ്രൊഫ:മധുസൂദനന് നായര്
മെയ് ദിനത്തോടനുബന്ധിച്ച് അബുദാബി മലയാളി സമാജം സംഘടിപ്പിച്ച പ്രഥമ പ്രതിഭാ സംഗമം കവി മധുസൂദനന് നായര് ഉത്ഘാടനം ചെയ്തു.
യഥാര്ഥ പ്രതിഭകള് ഭൂതകാലത്തില് നിന്നും ഊര്ജ്ജം ഉള്ക്കൊള്ളുകയും വര്ത്തമാനകാലത്തില് സൃഷ്ടികള് നടത്തുകയും ഭാവിക്കുവേണ്ടി കരുതുകയും ചെയ്യുന്നവരാണ് . അങ്ങനെ ചെയ്യാന് ഞാന് ഇഷ്ടപ്പെടുന്നില്ല. യുവപ്രതിഭകളില് ഞാന് വിശ്വാസം അര്പ്പിക്കുന്നു . പ്രതിഭകള് കാലത്തിന്റെ ശബ്ദമാണ് , ശബ്ദമാകണം . കവി തന്റെ ഉത്ഘാടന പ്രസംഗത്തില് പറഞ്ഞു.
തദവസരത്തില് അബുദാബി മലയാളി സമാജത്തിന്റെ ബ്ലോഗും അദ്ദേഹം അനാവരണം ചെയ്തു. ബ്ലോഗില് സാഹിത്യ സൃഷ്ടികള് പ്രസിദ്ധീകരിക്കാവുന്നതാണ്. ഏറ്റവും നല്ല രചനകള്ക്ക് അടുത്ത പ്രതിഭാ സംഗമത്തില് സമ്മാനങ്ങള് നല്കും .
തുടര്ന്ന് നെല്ലേറ്റില് അസ്ലം പ്രവാസി സാഹിത്യത്തിന്റെ പ്രതിസന്ധിയും സാദ്ധ്യതകളും എന്ന വിഷയത്തെ അധികരിച്ച് സംസാരിച്ചു. ഓരോ രചനകളും മനുഷ്യരെ തിരയുന്ന തീര്ത്ഥാടനമാണെന്ന് അഭിപ്രായപ്പെട്ടു. അജയബോസ് നാടകത്തെക്കുറിച്ചും , നിബു പേരേറ്റില് സിനിമ എന്ന മാദ്ധ്യമത്തെക്കുറിച്ചും സംസാരിച്ചപ്പോള് കവികളായ പി.വൈ.രാധാകൃഷ്ണന് , ദേവസേന , മുത്താന ശ്രീകുമാര് , കുഴൂര് വിത്സന് എന്നിവര് സ്വന്തം കവിതകള് അവതരിപ്പിച്ചു.
സംഗമത്തില് സമാജം പ്രസിഡന്റ് മനോജ് പുഷ്ക്കര് , സെക്രട്ടറി യേശുശീലന് , സാഹിത്യവിഭാഹം സെക്രട്ടറി ഹെന്റി മേരിസണ് , വിളഭാഗം നാസര് എന്നിവര് സംസാരിച്ചു. ഓ.ഷാജി, ഡോ:മൂസ പാലക്കല് , എന്നിവര് മെയ് ദിനാശംസാപ്രസംഗവും , സമാജം ആര്ട്ട്സ് സെക്രട്ടറി വിജയരാഘവന് നന്ദിയും പ്രകാശിപ്പിച്ചു.
Thursday, August 20, 2009
കാത്തിരിക്കുക.
ഈ ബ്ലോഗ് അതിന്റെ നിര്മ്മാണപ്രക്രിയയിലൂടെ കടന്നുപോകുകയാണു് . അധികം താമസിയാതെ പോസ്റ്റുകള് വരുന്നതാണു്. കാത്തിരിക്കുക. എല്ലാവിധ പ്രോത്സാഹനങ്ങളും ഉണ്ടാകുമെന്ന് പ്രതീക്ഷിക്കുന്നു.
-അബുദാബി മലയാളി സമാജം
-അബുദാബി മലയാളി സമാജം
Subscribe to:
Posts (Atom)
